مدد.. مدد.. شدي حيلك يا بلد
محمد نوح
مدد وشدى حيلك يا بلد
إن كان في أرضك مات شهيد
فيه ألف غيره بيتولَد
بُكره الوليد جاي من بعيد
راكب خيول فجره الجديد
يا بلدنا قومي واحضنيه
ده معاه بشاير ألف عيد
قومي انطقي وسيبك بقا
من نومة جوا في شرنقة
ده النصر محتاج للجَلَد
ومدد .. مدد .. مدد
لو كان في قلبك شيء قوليه
الحزن هيفيدك بإيه
يا سكة مفروشة بأمل
مشوارنا حُطّوا العزم فيه
يا بلدنا سيبك م الدموع
قومي اقلعي توب الخضوع
ده الحق لسه بيتجلد
ومدد مدد .. مدد مدد
مدد مدد .. مدد مدد..
شدى حيلك يا بلد
هذه الأغنية كتبها الشاعر إبراهيم رضوان
ولحّنها وغناها المطرب محمد نوح .
بحبك يا كبير
ردحذف